Институттың негізгі мақсаты – іргелі және қолданбалы білімдер беру, үнемі кәсіби өзін өзі дамытуға деген қажеттілікті тәрбиелеу мен қатар, ізгілік ұстанымы негізінде рухани жоғары сапалы, интеллектуалды дамыған, дені сау, биік шығармашылық әлеуетімен ерекшеленетін, жақсылықты молайта алатын жеке тұлға қалыптастыру.

Институттың құрылымы осы мақсаттарға жетуге бағытталған.

Институттың ұйымдастырушылық құрылымына кіреді: ректор, 3 проректор (оқу ісі жөніндегі проректор-бірінші проректор, тәрбие және ғылыми жұмыстар жөніндегі проректор; жалпы мәселелер жөніндегі проректор), 1 департамент (тәрбие жұмыстары және мәдени көпшілік жұмыстарды ұйымдастыру), оқу бөлімі, ғылым бөлімі, оқу үдерісін тіркеуші кеңсесі, бухгалтерлік есеп бөлімі, кадр және құжаттармен қамтамасыз ету бөлімі, студенттік бөлім, маркетинг және ақылы қызметті есепке алу бөлімі, ақпараттық технологиялар бөлімі, әкімшілік-шаруашылық бөлімі, деканат, 3 кафедра.

Институттың бакалавриат бағдарламалары бойынша білім беру қызметі Қазақстан Республикасының 2007 жылғы 27 шілдедегі  «Білім туралы» Заңы, Қазакстан Республикасының Білім және ғылым министрлігінің Білім мен ғылым саласындағы қадағалау комитеті2009 жылдың 18 мамырдағы шектеусіз мерзімге берілген лицензия (сериясы АБ №  0064059) және институт Жарғысы негіздерінде жүргізіледі.

2017-2018 оқу жылында бакалавриат контингенті 1170 студентті құрайды.

Институт бакалавриаттың 16 мамандығы бойынша білім беру қызметін жүргізді:

• 3 білім бағытындағы мамандықтар (5В010700 - Бейнелеу өнері және сызу, 5В011100 – Информатика, 5В012000-Кәсіптік оқыту);
• 1 құқық бағытындағы (5В030100-Құқықтану);
• 1 өнер бағытындағы (5В042100-Дизайн),
• 2 әлеуметтік ғылымдар, экономика және бизнес бағытындағы мамандықтар (5В050600-Экономика, 5В050800-Есеп және аудит),
• 4 техникалық ғылымдар және технологиялар бағытындағы (5В070400-Есептеу техникасы және бағдарламамен қамтамасыз ету, 5В070800-Мұнай газ ісі,  5В071800-Электр энергетикасы, 5В072900-Құрылыс);
• 1 жаратылыстану ғылымдары бағытындағы (5В060800-Экология);
• 4 қызмет көрсету бағытындағы мамандықтары (5В090100-Көлікті пайдалану және жүк қозғалысы мен тасымалдауды ұйымдастыру,  5В090500-Әлеуметтік жұмыс, 5В090600-Мәдени тынығу жұмысы,  5В091000-Кітапхана ісі).

Институт ғимараттары зертханалармен, оқу кабинеттерімен, дәрісханалармен жабдықталған. Арнайы оқу дәрісханалары тиісті компьютерлік қондырғылар және құрал-жабдықтармен жабдықталған. Сонымен қатар институтта кітапхананың оқу залдары, электрондық оқу залы,  спорт залы, студенттік жатақхана, асхана, медициналық қызмет көрсету бөлмесі ұйымдастырылған.

Институттабілім беру қызметі бір факультетте және 3 кафедрада: Инженерлік мамандықтар, Экономика және қызмет көрсету мамандықтары, Гуманитарлық-педагогикалық және құқықтық пәндер  кафедраларында жүргізіледі.

Студенттердің сабақтарға өздігінен дайындалу тиімділігін арттыру үшін институтта интернет жүйесіне қосылған компьютерлік келесі 4 сыныптар қолданысқа берілген:

1. Интернетке шығатын желіге қосылған жалпы компьютер класы;

2. Инженерлік-техникалық мамандықтарға арналған компьютер класы;

3. Информатика және есептеу техника негіздері;

4. Компьютерлік жобалау класы.

Институтта  мүгедек, ата-анасы жоқ (жетім), жартылай жетім және оқу озаттары, белсенді студенттерге, сонымен қатар сертификаты бойынша ең жоғары балл жинаған талапкерлерге жеңілдіктер қарастырылған. Оқу төлем ақысы білім алу кезеңінде  өзгермейді.

Институт кітапханасы мен оқу залы студенттерге қажетті оқулықтар және оқу құралдарымен жабдықталған. Кітапханадағы 170 000 данадан астам кітап қоры бар.

Білім алушылардың дене тәрбиесімен шұғылдануына және өнер шығармашылығымен айналысуына қажетті жағдайлар жасалған. Сонымен қатар оқу орнында 3 оқу ғимараттары, 50 орынды «Студенттік асхана», 50 орынды жатақхана және 200 орындық мәжіліс залы бар. Студенттердің медициналық тексеруден өтуі кесте бойынша жүргізіледі және олардың денсаулықтары қадағаланып отырады. Институтта жабдықталған медициналық кабинет бар.