«Ақмешіт» гуманитарлық-техникалық институтының

 сапа саласындағы саясаты

Өмірдегі табыстарға –

білім арқылы!

«Ақмешіт» гуманитарлық-техникалық институтының Сапа саласындағы саясатының негізгі мақсаты білім беру бағдарламаларын жетілдіру, Болон үдерісінің қағидаларын іске асыру, сапалы білімнің қолжетімділігін қамтамасыз ету, халықаралық, республикалық және өңірлік еңбек рыноктарының жоғары білікті мамандар мен бәсекеге қабілетті ғылыми-педагогикалық кадрларға деген сұраныстарын қанағаттандыруды қамтамасыз ететін Институт қалыптастыру болып табылады.

Осы мақсаттарға жету үшін институт өзінің алдына келесі міндеттерді қояды:

• еңбек рыногының сұраныстарын қанағаттандыру үшін сапалы білім беру қызметтерін ұсыну;
• білім, ғылым және өндірістің интеграциясы ықпалдастығын арттыру;
• студент жастарды жан-жақты дамытуға бағытталған жағдайларды жақсарту, оларды өңір мен елдің әлеуметтік-экономикалық даму үдерісіне тарту;
• оқу, ғылыми және өндірістік инфрақұрылымды жетілдіру;
• кадрлық саясатты жетілдіру және персоналдың кәсіби тұрғыда белсенді өсуін көтермелеу;
• институттың республикалық және халықаралық рейтингтерге қатысуын қамтамасыз ету;
• институттың студенттері мен оқытушы-профессорлар құрамының  академиялық ұтқырлығын дамыту мақсатында жоғары білімнің еуропалық аймағына одан әрі интеграциялану;
• институттың білім мен ғылым саласында ақпараттық қамтамасыз ету желісін одан әрі дамыту;
• халықаралық ынтымақтастық ауқымын кеңейту;
• сапа жүйесін алға қойылған мақсаттарға жетудің құралы ретінде жетілдіру және оның жұмыс істеуі мен дамуы үшін қажетті жағдайлар жасау.